من طقوس7 مارس (5)
======
مهما كان بينا مدن
اوحواجز اوظروف او محن
احساس كل يوم يتولد
يسافر مع النسمة يطوف
البعد مش هو اللى مانع انى اشوف
واروى عطش روحى
وامسك نجوم السما
واحفر على كل الشجر الفين ندا
واهمس فى كل العيون انى هنا
مشتاق لها
والعمر واقف عندها
مستنى يسمع همسها
كل الحكايات الطيبة
كل ابتساماتى اللى تاهت
من قلبى سنين
واتغربت
رسمت على الورق معنى الحنين
واتخضرت
وصحت العمر من خلف الجدار
.كل شىء واقف فى الانتظار
يتحدى الزمن
ويتحدى ريح الانتحار
=====================
ليست هناك تعليقات:
إرسال تعليق