الناس
اللي شايفانا
من البرج العاجي
ولا الزجاجي
ولا اللي حاجزين
في الأيقونة
ياناس ارحمونا
ونقطونا والنبي بالسكات
جيلنا بيموت واندفن
والعفن علي اللي
مات واندفن
وليه الخوف والسكات
اصرخ ونادي
بأعلي صوت انا
عايز اعيش
مش عارف اعيش
غول الأسعار ولعها نار
وحقيقي انا نفسي اعيش
وانتو كل اللي يهمكم
رغيف العيش
ازاي تاخدوه مننا
ومقفلين الدنيا
في وشنا
واحنا ساكتين
كرهنا والله السكات
وحاطين علي بوقنا
ميتين ترباس
وحشتنا الأغاني
وحشتنا الربابة
وبقينا عايشين في غابة
وبقي كل همنا
رغيف العيش
والهدمة قدمت وبقت خيش
لا بتستر بدن
ولا بدفي عريان
وعلي الربابة هاغني
انا عايز اعيش
احمد محمود
ليست هناك تعليقات:
إرسال تعليق