صباح الحب...
بقلم /منى شريف
انا بحبك يدوب مرة في العام
بجيب ورود واحلى كلام
واجيب دباديب ما انا حبيب
وتاني يوم اقلبها على دماغك
واجيب حقي من جيبك وجزلانك
واوريكي يوم
تقولى يارتني ما عشته ولا شفته
علشان افرحلى بس ساعات
يحط الهم فى جرابى وفي قلبي يبات
بلاه اليوم ده
لا عايزة ورود ولا دباديب
ولا عايزة تقول حبيت
انا عايزاها من قلبك
اعيشها معاك وانا جنبك
وافرح بيها في عمري سنين
مش بس خلال ساعتين
وهُف خلاص
يطير الحلم
واعيش العلم
كأني اسيرة حرب
واقضيها تلطيش وضرب
بلاها قلوب
وخللى الحزن بينا يدوب
وحس بيا وبجرحي
وحس كمان فى يوم فرحي
انا جيتلك من بيت أهلي
بحُب كبير
وحلم اعيش العمر اميرة
وانت أمير
ويدوب خطينا عتبة باب
أحلامي دابت كلها
بأت سراب
بقيت شغالة
طباخة
وغسالة
ومساحة كمان اعتاب
دكتورة عند اللزوم
ومدرس لكل العلوم
لاولادك
لأ اولادي
ما انا جايباهم فى جرابي
وكاتباهم على القايمة
والله شوف ما كتباهم
وكل ده وانا راضية
واقول هايحس بيوم بيا
وتتحسن علاقتنا
وفي يوم الحب
تتبدل
وافرح لانه اتعدل
لكن لحظات ويتبدل حال بحال
تتصور عندى ليك سؤال
كنت مجبور على العشرة
والا موعود بكام عشرة
لما تنتهي الصفقة
حد للجواز زقك
والا كانت رقة في قلبك
زقتك عندي
فخبطت على بابي
فتحنالك
وفتحتلك باب قلبي
ياريته يومها كان سكر ومافتحشي
لا كنت عملت الكوسة والبامية
مع المحشي
ولا شفت شراب في وشك
ما يقلبشي
هاستنى على امل اللى جاي بكرة
يمكن في يوم اتهني
وباتمني
اعيش العمر كله
يوم حب ما يخلصشي
#منى شريف
ليست هناك تعليقات:
إرسال تعليق