سكن اجبارى.....(١)
وبقوة العرف والعاده وكلام الناس
انا محبوس جوا حيطان البيت
وبتنفس حيره وساعات بالصبر
وساعات اسكت بدون تلميح
وساعات بثور وابقى ريح
واهد كل شىء ممسوخ
واعدل المائل والمعووج
وارجع وانا هادى لكوخ الصبر
وهدوؤ الروح واخد نفس طويل
واتذكر كل حواراتنا المعتاده
واللى فيها الكلام تلميح وكنايه
وفيها كلام مباشر وصريح كالعاده
.والدنيا فى العادى شوية ايام
وكام شهر ويتجمعوا فجاءه
ويعلنوا نفسهم انهم اصبحوا
بقوة الزمن عمر اتكون بالصبر
من سنين مرت ومع الساعات
بتتضح كل الصوره
وملامحها والتفاصيل
..اصيل انا وعايش بالاجبار
وبقوة المجتمع والاعراف
وعواقب الفرار من الاسر
.انا عندى جوايا جمل ونسر
.واما الجمل جوايا هو الصبر
وطباعه كله متأصله فيا.
واما النسر فكونى بطبعى
مش دايما هادى وساكت
ولا بصبر على الغلط مهما كان
ومين عمله وسببه ايه.
وكمان جوايا خزان حنان ابوى
وطيبه بخبيها للى ما يستاهل
يتنعم فيها وينعم بالطبطه دائما
وقول انى جوايا لخبطه واضحه
انما مش من الامراض
ولا معديه
ولامؤثره باى حال
على السلم الاجتماعي
ولا على الأمن العام
ولا بتخوف وبتقلب شبح
ولا بتتحول ساعات لجنون.
.مجرد صراع نفسى
ذى باقى خلق الله
انما الفرق بين البشر أن فى حد
بيصرح باللى ساكن جواه
وحد تانى بيتخفى من احساسه
كانه لص وخايف حد يشوفه
او يعرف ايه اللى وراه.
بس الحكايه لسه ما بداتش.
ده مجرد تنهيده طلعت غصب
ومن الالم صرخت فى عز الظهر
.اقولك بقى القصه
واللى كانت ناوى افضفض بيه
وهو السكن الجبرى بحسناته وعيوبه
بقلم// محمد العليمي....
ليست هناك تعليقات:
إرسال تعليق