هجرونى هجرونى الأهل والخلان
مبقاش عندى أمان
ويوم ما إحتجنا ليهم
ما لقيت لهم عنوان
هما إللى كانوا
حبايبى زمان
هما إللى كانوا
نبع الحنان
ضيع علينا الزمن
أوقات كانت جميلة
عشت معاهم بفرحى
والحزن ما يعرف أراضينا
روحتى فين يا أما
روحت فين يا أبويا
روحتى فين يا أختى
روحت فين يا أخويا
وراحت فين
العيلة واللمة
وراحت فين أيامنا الحلوة
ياخسارة السنين
والشوق والحنين
والناس الطيبين
كانوا مليين علينا الدار
والدار كان عمار
مليان كبار وصغار
يا خسارة اللمة
والخالة والعمه
والناس الطيبين
أهل الزمن الجميل
مبقاش عندى أمان
من الوحدة والأيام
.......هجرونى......
منى العشرى
ليست هناك تعليقات:
إرسال تعليق