صباحك خير سوريتي
ياأقوى بلد عالارض
من بين الاحزان بتبتسمي
وبتزرعي الحب بالطول والعرض
الي بيآسيكي بتغفريلو
وكأنك الام .والحب للغير انفرض منك فرض.
ريتك تسلميلي سوريتي
عن جد ،انتي اقوى بلد عالارض
ماضل حرب مكروه الا حاربوكي فيه
زرعوا الفتنه ، دمروا بحجة عم بيحرروا،
سرقوا ،هجروا ،
وانت حتى القاتل بالودّ بتعامليه،
شو انتي سوريتي؟ ،من وين كل هالقلب الرحيم حصلتي عليه؟
انا ماعم اقدر سامح الي آذاكي
ولابقدر بصفى للي عاداكي
ولاعندي حبيب غالي سواكي
كيف بتسامحي سوريتي من كان سبب شقاكي ؟
روح روحي سوريتي،
ماانقاكي؟
سوريتي ،حبيبتي
انا ماعندي الرحمه متلك .
ولابقدر سامح الي آذاكي.
سوريتي الغاليه روحي وعمري فداكي
ربي يفرجها عليكي
وتخلصي من شر زرعوه بارضك وبسماكي
صباحك ، نصر سوريتي
ورب السما بجلالته ،تأكدي
واقف معاكي
سكون السوريه
ليست هناك تعليقات:
إرسال تعليق