حروف الكلام .... بقلم ... عادل سعد

 

عادل سعد

حروف الكلام  ....

حروف الكلام بتــــــــــــصنع جمل..

وتعمل معاني وترســـــــــــم صـــور

يمكن قليلة لــــــــــــكن أمـــــــــــــل ..

لبكرة اللى جاي وجـــــــــــواه قمــــر

ينور ليالي الغربـــــــــــة الكئيـــــبة..

ويزرع فيه.ورد وشجــــــــــــر

ويا خدني لحلم بكره البعـــــــــــــيد..

وألاقي ف ليلة صحبة وســـــــــــمر

وأقابل حبيبتى بــــعد البعـــــــــــاد..

بلهفة وشوق وننســـــــي الـــــــــقدر

قدرنا اللى آسى وظالم عنـــــــــــيد..

وحكمه علينا العذاب والــــــــــــسفر

وخلي المشاعر ف سجنه بتصرخ..

سجنك حيطانه حديد أو حــــــــجر

لكن لسه فينا باقى الأمـــــــــــــــل..

حروف عايشة فين بتصنع جمــل

وتعمل معانى وترسم صــــــــور..

لبكرة اللى جاى وجواه قـــــــــــمر