سعيد حمدى.
سعيد حمدى
قصيده بعنوان "زمن الدش"
شعر "سعيد حمدى"
ياصاحبى عيب اختشى واتلم
بلاش كل يوم تزيدنا هم على هم
علشان ما احنا على قد الحال وغلابه
حرمت البسمه وملبسنا عباية الكئابه
بجحودك اللى رمانا فى حياة الغابه
ماهى فيها الضعيف ضحيه للقوى
لكن قلب العفى.. رافض يعيش ويا الديابه
★★★★★★
يازمن الهم..
كل يوم همك ييجى على بيت جارى
وانا خايف لا يغلط ويفط على دارى
وعيشت مرعوب وطال انتظارى
لحد الجرح ما دبح الفرح
والفلاح زود مرارى
لما بات ليله سهران
يتفرج ويسقف للأحزان
وعياله اهى بصاله
وهو بيزرع جواهم افعاله
بفلم الساحر والشيطان
★★★★★★
علمهم حرت الارض وازاى تتخضر
علمهم ازاى نبنى ونعلى ونعمر
وبلاش تزرع جواهم الضياع
وتملا شقوق ارواحهم بالاوجاع
بكره تجنى ودمعك ع الخدود جارى
★★★★★★
ياما بدرت فيك حب العشم..خيب ومطلعشى
وبعتلك مرسال الامل . انقتل مرجعشي
معلهشي . انا مش هسيب تارى
انا هكسر باعك. وأدوقك اوجاعك
ورجعك لاصلك مادام عندى اصرارى
★★★★★★
اصلك عايش فى داومة الدش
لما توهك ببحر النفاق والغش
وخاصمت الغيط والبتاو والمش
ورحمة امك لا اكبدك واضمك
واغربل منك العوج والمك
واربطك فى شغول الصارى
★★★★★★
واخدك امرمغك فى طين الريف
واسمعك موال بصوت الشواديف
والطشك بنسيم العصارى
واعشيك بطابيخ الكنون
واسقيك شاى الحلزون
على نار الحطب اللى قايده بنارى
★★★★★★
احضنك واضمك واهيم
واعصرك زى الغريم
لحد ماتنضح الحنين
لزمن الناس الطيبين
والمغرفه الخشب
عاشقه قحف العصيده من سنين
بقالهم زمان ع الفرن مستنيين
مبادئ تعود
همك يبقى من همى
وفرحى من فرح جارى
★★★★★★
شعر "سعيد حمدى "
شعر "سعيد حمدى"
ياصاحبى عيب اختشى واتلم
بلاش كل يوم تزيدنا هم على هم
علشان ما احنا على قد الحال وغلابه
حرمت البسمه وملبسنا عباية الكئابه
بجحودك اللى رمانا فى حياة الغابه
ماهى فيها الضعيف ضحيه للقوى
لكن قلب العفى.. رافض يعيش ويا الديابه
★★★★★★
يازمن الهم..
كل يوم همك ييجى على بيت جارى
وانا خايف لا يغلط ويفط على دارى
وعيشت مرعوب وطال انتظارى
لحد الجرح ما دبح الفرح
والفلاح زود مرارى
لما بات ليله سهران
يتفرج ويسقف للأحزان
وعياله اهى بصاله
وهو بيزرع جواهم افعاله
بفلم الساحر والشيطان
★★★★★★
علمهم حرت الارض وازاى تتخضر
علمهم ازاى نبنى ونعلى ونعمر
وبلاش تزرع جواهم الضياع
وتملا شقوق ارواحهم بالاوجاع
بكره تجنى ودمعك ع الخدود جارى
★★★★★★
ياما بدرت فيك حب العشم..خيب ومطلعشى
وبعتلك مرسال الامل . انقتل مرجعشي
معلهشي . انا مش هسيب تارى
انا هكسر باعك. وأدوقك اوجاعك
ورجعك لاصلك مادام عندى اصرارى
★★★★★★
اصلك عايش فى داومة الدش
لما توهك ببحر النفاق والغش
وخاصمت الغيط والبتاو والمش
ورحمة امك لا اكبدك واضمك
واغربل منك العوج والمك
واربطك فى شغول الصارى
★★★★★★
واخدك امرمغك فى طين الريف
واسمعك موال بصوت الشواديف
والطشك بنسيم العصارى
واعشيك بطابيخ الكنون
واسقيك شاى الحلزون
على نار الحطب اللى قايده بنارى
★★★★★★
احضنك واضمك واهيم
واعصرك زى الغريم
لحد ماتنضح الحنين
لزمن الناس الطيبين
والمغرفه الخشب
عاشقه قحف العصيده من سنين
بقالهم زمان ع الفرن مستنيين
مبادئ تعود
همك يبقى من همى
وفرحى من فرح جارى
★★★★★★
شعر "سعيد حمدى "
ليست هناك تعليقات:
إرسال تعليق