- مصطبتنا
،،،،؛؛؛؛؛؛،،،،،،
كنت جاي راجع لبيتنا
بعد ما رحت المحطه
جبت بن وجبت فاكهه
وفي مصالح دوختنا
وطلعتنا ونزلتنا
ختم بصمة ورقه مضيه
وبعد دوخه عدي بكره
وللا بعده فوت علينا
ولما جيت على باب حارتنا
شفت ناس على مصطبتنا
ضحكت ورميت التحيه
وقولت جاي أقعد شويه
بس احط اللي في إيديا
روحت ب إيدي غسلت فاكهه
وقمت عامل طقم قهوه
وشال معايه إبن بنتي
واطلعنا على مصطبتنا
سمعت صوت واحد بيحكي
عن مريض فقير ويبكي
عنده ضغط وعنده سكر
وادراعه اليمين مكسر
وابياخد جلسات عليه
والطبيب غير دواه
ومانعه ياكل مشتهاه
والدوا أسعاره أكتر
ولا قادر يشتريه
والوجع بيزيد عليه
وله معاش بسيط حقير
مش مكفي العيشه بيه
تسعمية جنيه لا غير
دول يكفوا إيه وإيه
قولت بس خلاص يافندي
كل ووزع يوستفاندي
وللي عاوز صب قهوه
والدوا خد حقو مني
ليه وصلنا لمستوى
مش لاقيين حق الدوا
وربنا يستر علينا
بكره يبيعولنا الهوى
هو فين جارنا المريض
قالوا بره عالطريق
تاني شارع من حارتنا
تاني بيت الباب حديد
قلنا نروح زياره بكره
وكلنا هانمد إيد
والزياره تبقى ذكرى
ويا جارنا يكون سعيد
ونيجي بكره لمصطبتنا
والحكاوي من جديد
وادعولي هلال البنا
ربنا يشفيلو إيد
.................
هلال البنا في
مصطبتنا
الخميس، 20 فبراير 2020
مصطبتنا ،،،،؛؛؛؛؛؛،،،،،،هلال البنا
الاشتراك في:
تعليقات الرسالة (Atom)
( نفسي ) بقلمي/ هاني نبيل الفحل /أبو رنيم
( نفسي ) يا ما ف نفسي أندهلك و تسمعيني مستحيل نتلاقى مختلفين في كل شيء .... و كل عام نبتعد أشعر بما تشعرين كأن بين شفتيك كلامي و ضحكاتك ت...
-
•{حدثٌ حي ٌحقيقيّ }• [[• ثعبان حي بين يدي وعلي كتفي وقرب قلبي وكاد له سماع دقاته]]•• ••••••~••>> •كاد هذا اليوم ••والحدث لاينسى •خرج...
-
سكان الحفر . ------------- لا تظلم الماعز .. لا ترميه بالذي أنت فيه و عليه .. أين أنت من الماعز ، هاهو يتنطط مرفوع الرأس ، يجوب البراري ا...
ليست هناك تعليقات:
إرسال تعليق