مصر .. للشاعرة .. ناهد الموجي

ناهد الموجي

⚘...مصر 🌺......
⚘ مصر.. 🌺..........
⚘ مصر.. .🌺............
عشانها القلب والنني
وساكنة فى روحي وف دمي
وشايلة من الصغر همي
💌
عشانها الحِجر والضمة
وزايحة عننا الغمة
وكل العزوة واللمة
💌
عشانها مصرنا الغالية
وراسها فى السما عالية
ويوم ما تغيب انا الفانية
💌
حبيبتيي يا ام شال بمبي
يا جوايا انا وجمبي
💌
حبيبتي يا ام شال مغزول
ولا لحظة هوانا يزول
💌
حبيبتي يا ام توب فضفاض
دا خيرك ع الخلايق فاض
💌
ويا واحة
طقية جمب طراحة
💌
بيلبسها حسن ومنار
ولادك يا امه واحنا صغار
ومهما هتكتر الاجيال
ويتغير علينا الحال
💌
ملامحك وانت بتحني
علينا وانت بتئني
وصوتك حاني مع اني
💌
ما بتونسش من غيره
وعايشة بحسه وف خيره
برن فى سمعي ليل ونهار
صداه مالي علينا الدار
ويا أمي

بقلمي✍
ناهد الموجي
شاعرة مصرية