🖤🖤أحوال الناس🖤🖤 بقلمي أ.مشيرة النقيب

دنيا الأشعار

🖤🖤أحوال الناس🖤🖤
********
ياسلام عالناس لما تطنش
وكمان إحساسنا مايتحسش
لو مرة نحاول نعاتبهم
يتجاهلوا عتابنا وما تردش

سايبنهم على حٌر مزاجهم
ولاقولنا في يوم راح نحتاجهم
ونصدق في الكذب حججهم
والآخر حالهم مايسٌرش
راح أسيبهم لحياتهم تاني
وهقول الإهمال نساني
وان رجعوا وطلبوا يصالحونا
هعلنها رجوعهم مايهمش
مشاكلهم مش هسأل فيها
ودموعهم مش هبكي عليها
وان دخلوا النار ويا فراقنا
هعمل مش شايفة ومابحسش
أنا قبلك طول عمري شديدة
وماكنتش ولا لحظة شهيدة
ما تأثر فيا التنهيدة
في الدنيا قوية ولااتهزش
أوقات مع ربي بَقَضِيها
والصلاه بالوقت بصليها
وإن مرة مَصاعِب تقابلني
مبقولش عليها مَتِتحَلِش
بقلمي
أ.مشيرة النقيب