الغُربة
الغُربة حالة
تحس بيها وسط ناس
الغُربة هي ف الأساس
إحساس
إحساس فظيع
إنك ف وسط الكون تضيع
مستني كلمة تحيي قلبك م الضياع
مستني حرف يحسسك إنك مُطاع
وان الحياة من غير عينيك حقل لضِباع
الغربة إحساس
مش كلام
يتقال ف وسط عيال
وانت بتشرح درس خاص
الغربة لمَّا عيون بتاخدك
برَّه جَنَبات الزمن
وتسيبك انت والمِحَن
وتسيب حياتك ذكرياتك والدموع
ماليه عيونك جُوَّه منك والضلوع
وانت تِدَوَّر علِّي ضايع
وتطُوف شوارع
تستنى على إمِّة حنين
يمكن يلين
قلبك ويرجع تاني ليك
يمكن تعود النبضة فيك
يمكن تلاقيك
تتقابلوا تاني جوه حقبة
من الزمن
الغُربة حالة
تحس بيها وسط ناس
الغُربة هي ف الأساس
إحساس
إحساس فظيع
إنك ف وسط الكون تضيع
مستني كلمة تحيي قلبك م الضياع
مستني حرف يحسسك إنك مُطاع
وان الحياة من غير عينيك حقل لضِباع
الغربة إحساس
مش كلام
يتقال ف وسط عيال
وانت بتشرح درس خاص
الغربة لمَّا عيون بتاخدك
برَّه جَنَبات الزمن
وتسيبك انت والمِحَن
وتسيب حياتك ذكرياتك والدموع
ماليه عيونك جُوَّه منك والضلوع
وانت تِدَوَّر علِّي ضايع
وتطُوف شوارع
تستنى على إمِّة حنين
يمكن يلين
قلبك ويرجع تاني ليك
يمكن تعود النبضة فيك
يمكن تلاقيك
تتقابلوا تاني جوه حقبة
من الزمن
منى عبد الرحمن
ليست هناك تعليقات:
إرسال تعليق