مدينة سيدنا النبي صلي الله عليه وسلم .. بقلم .. البدري زايد ..

مدينة سيدنا النبي صلي الله عليه وسلم
مدينة واسمها طيبة
عزيزة عليا وحبيبة
وساكن فيها اغلي الناس
وانوارها لها هيبة

سوا كنا هناك بنزور
ولو بنصلي في المعمور
ولو واقفين علي عرفة
حتلقي الخير كأنه طابور
ولو رحنا علي المزارات
حتوصف عشقها ف حكايات
واقول لك ايه عن الروضة
وعن سيدنا النبي بالذات
أماكن كلها طاهرة
وتستاهل متين نظرة
متين مليون واقول تاني
أماكن للقلوب ساحرة
بنعشقها بتفاصيلها
عزيزة علينا ونجيلها
نحيي المصطفي فيها
وناسها كتيرها وقليلها
نسيم سيدنا النبي عاطر
وانا شاكر ومش ناكر
جميله عليا والأمة
واصلي عليه وانا ذاكر
سلام في الروضة بابعت له
بكل خشوع جوابات له
واقول له اشفع لي ياسيدي
وحاحكيله واسمع له
كلام عن حبي لمكانه
وصحبه ويا سكانه
واعيش عمرة واتمني
أكون خدام لخلانه.
مع تحياتي
البدري زايد
شيخ السجالات.