الخميس، 5 ديسمبر 2019

نفسي أقولك الف شيء ... شعر .. سمير محمود

نفسي أقولك الف شيء
واشكي ليكي وقت ضيق
وف قراري اكون جريء
وأعترفلك مهما كان
.............
نفسي اقولك ايه تاعبني
عن حبيب قبلك وسابني
عن حنين لعينيكِ جابني
عن بكايا والهوان
................
نفسي ادوب نفسي فيكي
وابقى منك ابقى ليكي
نفسي اسكن لون عينيكي
وابقى حضنك والحنان
...............
نفسي اخدك من عذابك
وابقى صفحة من كتابك
وان رماكِ الكل سابك
قلبي يطرحلك أمان
.................
نفسي ابقى طيش جنونك
وابقى فرحة مالية كونك
صعب حالي لو بدونك
زي راسب إمتحان
#سميرمحمود
في

ليست هناك تعليقات:

إرسال تعليق

الاشتراك في: تعليقات الرسالة (Atom)

غدرالبشر انواع .. الشاعر .. مجدي الكيلاني

Magdy Elkelany غدرالبشر انواع كله بقابياع والطيب في الزمان ده حقه راح وضاع العدل والانصاف بقاصنف من الاصناف عملولو اذن خروج وعلي الغدر بقاان...

  • •{حدثٌ حي ٌحقيقيّ }•بقلم د. Maha Shafik
      •{حدثٌ حي ٌحقيقيّ }• [[• ثعبان حي بين يدي وعلي كتفي وقرب قلبي وكاد له سماع دقاته]]•• ••••••~••>> •كاد هذا اليوم ••والحدث لاينسى •خرج...
  • سكان الحفر .---- عبد الحليم فراح .
      سكان الحفر . ------------- لا تظلم الماعز .. لا ترميه بالذي أنت فيه و عليه .. أين أنت من الماعز ، هاهو يتنطط مرفوع الرأس ، يجوب البراري ا...