******************
عالم شقيانة وتعبانة
علي لقمة عييييش
الفرشة دي ناشفة
والهدمة من خرقة خيش
وفتوة الحتة سقيهم
من الذل كاسات
ويقولوا طب بس نعيش
هو ورجالته بيحوموا
خفافيش، خفافيش
بيمصوا دم الغلبان
سكر وتحشيش
ييجي الغلبان ويغني
اسم الله عليه ..
اسم الله عليه! !!!!!!
هي اتاوه بكل غباوة
و بيدفعها من حب عنيه
بايع كل اللي وراه
او حتي يدفعها ضناه
او من شرفه ولا حماه
وبرضه بيغني وراه
اسم الله عليه ...
اسم الله عليه
ياكل قلبك ويهادي بيه
... اسم الله عليه
ينهش لحمك وتراضيه
... اسم الله عليه
واليوم جي تغني اييه
.. جي تغني ( قالوا ايه)
جي تتريق ...جي تتمهزق!!!!!!
علي حميك ومداري عليك
ع اللي صاينك ومفاديك
عارف حقه قالوا اييه:
قالوا دمانا ري حمانا
قالوا ابوك ..قالوا اخوك
قالوا عمك ...وشرف امك
دا هنفديه
قالوا امانك ...قالوا مالك
دا واجبنا وهنقوم بيه
قالوا دي أمانة
وهي أمانة...
هو يموت وانت تعريه!!!!
تاكل لحمه وتغمس بيه !!!!
لا وكمان بتغني عليه! !!!!
ياحرفوش منك ليه
شوف عينك بتغمض ليه
قولي ولدك مين اللي حاميه؟
عارف حقه مين اللي حاميه
اللي انت بتغني عليه
قالوا ايه قالوا ايه
عارف والله حقك ايه؟
اسم الله عليه ...اسم الله عليه
************************
مايسة إمام
ليست هناك تعليقات:
إرسال تعليق