ونحلم أد ما نحلم .... شعر .. م . بتول العتربي

ونحلم أد ما نحلم
وننسى إننا عايشين
ونستنى ساعات وسنين
وعمرنا فات
بنستقبل آهات وأنين
وتيجى حاجات
تودينا لناس تانيين
كدا تايهين
وسكتنا ماليها جراح
ولا نرتاح
ولا نفرح
وعز علينا فى يوم نسمع
لكلمة حلوة بتداوى
وأنا ناوى
أعيش العمر فى غناوى
وأسعد قلب كان لى حزين
ويا سامعين
ما تيجوا ترددوا معايا
حروف كاملة
دى جوانا
ح تروينا وتحيينا
وتجمعنا بأحبابنا
ليوم الدين
# بتول العتربى

٥