@# ...ياهو... فلس ...#@ الشاعر/ابراهيم القاضى ..

@# ...ياهو... فلس ...#@
ةةةةةةةةة
أكتب واقولك ..تسلمى
أبقى واطى وم الحرس ..
ولو ناديتك ...ترحمى ..
أبقى بغل أو فرس ..!
ياهو فلس .....
قلبى اتوكس
من قلوب صابها النعاس
من عقول أضيق ..مقاس
كل راس عايزه..المداس ..
فوق جنانها المفتكس
اللى نقص ....
واللى رقص ..
فوق حبالكم ..
جوا سيرك ..المرمطه
ياما سطى وشد الغطا
بألف توهه محوطه ..
أرض العطا ..من غيرملس
يادى الغلاسه والدنس ..
ابقى حرس ....!
ولا فرس ...؟!
ولا شنب بس بملس ؟
ولا قرده ف ..ايدها ورده
من بلاستيك ..
ولا نبله بس ..هبله
إيد و استيك ..
أبقى جوزه وسطل بوظه
جوا تكتك ..؟
آه يابختك .....
ياللى حرتك ..فوق كتافنا
توت ونخل ..
وابتسامتك مهما ..هيفنا
نور وكحل ..
كف ضل وروح ..تبل
أى خنقه بالونس ...
أبقى إيه ؟؟
أبقى ضلمه ..وقلبى نور ؟
ولا ضله ف ارض ..بور ؟
أبقى عدل ولا زور ...
ولا ثوره ..لم تثور ..
ساقيه دايره ..بالعبث..؟
أبقى أصلى ومقتبس ؟
بلياتشو تحت الاقنعة ..
أبقى ضد ..وأبقى مع ؟
حد توبه البردعه ..؟
لو ينهق ..يبقى فرس !
لو كنت فاهم ..
ياللا ..قول لى ..
إنى واهم ..
ما انت خلى .
خل عقلى ..
وقلبى ..واللى
ان المازوره ..ناقصه مللى
وانى ناقص ..بس كلى
لما ضلى ..تحت منى ..
راح وسابنى ..للهوس ..
ياهو ..فلس ..!!
ةةةةةةةةةةة
الشاعر/ابراهيم القاضى ..