ةةةةةةةةةةةةةة
مش لعبة صوره وكتابه
و نصدق كل ..الكدابه ..
نهابه والخلق ..غلابه ..
بربابه تحت الشيطان ......ة
الصوره عوره ومسحوره
دبور بيغازل ..دبوره
مياسه ع العفه ..غيوره
معجونه من طين الجان ......ة
ببريزه ..تفتح تعويزه
والمنجه تطرح خبيزه
حربايه بتهوى التأويزه
وتشلح بدله وفستان ..........ة
وكتابه تفك ..المتصابه
على طوبه بنى نصابه
ف زريبه من بعد خرابه
ولبلابه تطرح ..غربان ..........ة
ارمى بياضك ع الصوره
جرب تكسب بالتوره
عن ثوره ناقصه مكسوره
تايه فيها ..الغلبان .............ة
وكتابه عاوزه ..الولاعه
وعقول ف اجازه متباعه
وضماير زفت وطماعه ..
والنقص ف ايد الوزان ...........ة
يا ثاير مش قد مقاسك
ولابس كام جن ف راسك
ايه فكرك يا واكل ناسك
يابايعنا ..ف سوق المجان .......ة
لا كتابه تنفع ولا صوره
مش هزة وسط وطنوره
ولا تكتب ثوره ع القوره
موتوره من غير قبطان .....،.....ة
فيها ملايكه جنب الحور
من غير عاركه ..طل النور
غنى يادنيا عبى ..الدور
رشى الفرح على الحرمان ........ة
جنين الورد متشوه ..
سواقى الود من نوه
يصحا البعد والهوه
ف كف الولد عنوان ..........ة
ياموجه ساقت مراكبها
وياما ساءت ..لراكبها
عواء البحر ..كركبها
بلا مرسى ولا شطآن ...........ة
جنين الفرح و الشوق
عطيب الطرح مخنوق
بطبه واحده ف السوق
برفة زهر ..خربان ..............ة
قامرنا بيكى ياامايا
فى لعبة حظ نسايه
ومات الحلم ..جوايا
ملك وكتابه خسران ...........ة
أراهن بيكى على رفه
ياشرع الكون ..و الدفه .
واسمى الهجص باللهفه
ثورة طحن ..أبدان ..............ة
بضيك ياامه ..كتبتينى
حنين العمر ..تسقينى
مهما شيطانى ينادينى
اعود تانى ...ألاقينى
ف قلبك لسه ..متعان ............ة
عهد ودين ف رقبتى
تكونى تملى غلابه ..
اسمك تاج على قورتى
ما انت العمر ..حلابه ..
تداوى التوهه مع حيرتى
ولا ألعب صوره وكتابه
ياست الدنيا يا مامتى ...
وشمس الروح و ..طيابه
ةةةةةةةةةة
الشاعر/ابراهيم القاضى ..
ليست هناك تعليقات:
إرسال تعليق