مناجاة .. بقلم .. نبيل الورداني

( يارب )
ليك لوحدك
يارب خاضع
سوا كنت ساجد
أو كنت راكع
أو كنت واقف
ما بين ما بين إيديك
مذلول وليك
طمعان فى كرمك
مفتون بحلمك
مليان معاصى
وانا عبد عاصى
لكنى عارف
ملهوف وخايف
برغم علمى
إن إنت دايما
غفور رحيم
وإن تهت منك
الاقى منك
شملنى أكتر
الله أكبر
إله كريم
رؤف عظيم
ون كنت ناوى
أروح لذنب
ألقاك يارب
بتحوشنى عنه
ياريت وبس
وفلحظه احس
من حسن كرمك يشملنى عفوك
ولاقى ذنبى
محيتى عنى
أتارى حبك
لتوبتى تسبق
عقاب جلالتك
مش انت ربى
وانت حسبى
مين بعد فضلك
ألجأ إليه
واقوله ليه
رغم الذنوب
لما اجى اتوب
القاك سامحت
كمان مسحت
كل اللى فات
ومن سكات
أعيش حياتى
كأنى لسه
مولود جديد
يابو خيمه زرقه
فحلقى شرقه
مناس جحوده
وشوسها بيضه
وقلوبها سوده
وبتنسى حتى
فرض العباده
فى الشده تلجأ
إليك وبس
فى الخير ماتنطق
معدومه حس
لكن عنيهم
مليانه خبث
آخر بلاده
ماهيا عاده
فى الشده ينده
ويقول يارب
وفلحظه ينسى
لو قام وقب
يفضل يدب
كأنه مالك
للكون في يد
مع إنه عبد