انا صياد . بقلم . سامى ابو الغيط

انا صياد لكن ماهر
مع النجوم بنتسامر
احكي ليها عن نفسى
وهى تقول هواك باهر
عشان قلبى اللى ف ضلوعى
بيقول كلام كما الشاعر
حبيتى ملكة وأميرة
تموت فيا بقى بغيرة
وانا ف القلب عاينها
ولا جيب ل الناس بقى سيرة
انا ف الحلم ألقاها
قاعدة ونجمتى معاها
بتحكى عنى بقى عنها
وأقوم من نومى وياها
ابوس ف الورد ع الفستان
كأنى عشت ف ضحاها
يجى القمر ده من بدرى
يبوس بوسه يروح يجرى
على خدى ويرميها
ف يخضر الربيع دغرى
وفوق شباكى عصفورة
بتطلع على الصورة
تغنى ليا الحنها
حبيبتى سوسو قمورة
وبتكمل وانا بحلم
ولحن غناها ف ودانى
فتمسح كفى وتسلم
وتقول تعالى ف احضانى
اروح احرى على صوتها
اكتب حرفى ف سكوتها
وعنوانى احبك موت
تقولى حبيبى وب صوتها
سامى ابو الغيط

٢