انا لما كنت صغيره ... بقلم راوية حسن

انا لما كنت صغيره
كان عندى لعبه بحبها
هى عروسه من قماش
انا اللى كنت عملتها
جات بنت عمى واخدتها
بكيت عليها ساعتها
راحت امى قالت لى وقتها
اعملك انا زيها
لما تكون حاجه ملكنا
وحد ياخدها مننا
وكمان غصب عننا
بنزعل قوى وبنتقهر
ولاحد ابدا يفتكر
انه حرمك منها
كبار او كنا صغيرين
لممتلكاتنا بنحبها
ومهما كان قدرها
ولاحق حد ياخدها
ولايحرمنا ابدا منها
عروستى وانا صغيره
هى اللى ملكى كانت انا
ولما كبرت كام سنه
حبيبى كمان راح من هنا

مع تحياتى /راوية حسن