((••• درس الأبله فاطمه •••))الشاعر ابراهيم القاضى

((••• درس الأبله فاطمه •••))
ةةةةةةةةة
مش بحب القمح يزعل ..
أو يمس التوت ..أنين !
أو حصيرة اللمه ترحل..
واحنا لسه..غفلانين
لما غيط القرع ..يفتى
إنه مانجه وإنه تين..
والأهرامات مش بتاعتى
زى نيل ..المغرمين..
والمذيعه راكبه شاشتى..
قاعده تنصب ..مرفوعين !
آه يامامتى وآه يا خالتى..
فى مرايتى شيئ مشين !
صوره تايهه جوا لوحتى ..
صوره راضيه .. بأى دين !
صوره عاجزه عن قرايتى
حيه تحتى و تعبانين ..
والديابه خلفى ..يا با ..
لابسه توب الصالحين ..
أى توهه احنا فيها ..؟
مهما نلعب مغلوبين ..
ما احنا ياما كتير غلبنا
جوه ساحة الصابرين ..
ياما شيلنا الليل ف جيبنا
وياما جبنا كحل عين ..
وقلب نادى ع البوادى ..
قام ينادى بكلمتين..
أصل صورتى تبان ف حرتى
مش ف حيرتى ودمعتين..
قوم يا عزمى شد ..عزمى
قوم نقول الحق فين ...
ع الرحايه والدوايه ...
ولا شعر العا شقين ؟
قوم نجيب الصبح بدرى
جوه حجرى نخلتين ..
نقرا درس الابله ..فاطمه
و دمغتنا ..صحيانين ..
قوم نرتب ف ..الهجايه
بالمصاروه ..العرقانين ..
دا اللى يسند زير نوايه..
و الدرايه ...إحنا فين..؟!!
ةةةةةةةةة
الشاعر ابراهيم القاضى