مناجاة .. بقلم .. بتول عبد المعز

واقف على باب الحبيب
بأترجى فى ترحابه
وناس هنا وهناك
وناس كتير غابوا
بنسعى نطوف ونتمنى
أمانينا بتتحقق
خطاوينا بتتوفق
يارب واحنا أحبابه
سألت المولى يغفر لى
ويقبل توبة تجمل لى
قبول الفرض وأصحابه

يارب أنا شارى
سنين عمرى وأعمالى
ولما ح أكون متدارى
أكيد بتعرف أحوالى
دا ليه ذنوب تفوق الحصر
وقلت ح أتوب فى ساعة عصر
فبابك انفتح ليه
وضمتنى بحنية
سنين رايحة
سنين جاية
أكفر فيها عن ذنبى
وأبقى فى حمى ربى
وهى دى أسبابه
وسلام يا ربى للجنة
أكون فيها وأتهنى
ويبقى معايا كمان فيها
حبيب القلب يضويها
محمد اللى عرج ليها
يزينها ويحليها
ونشرب يارب من كفه
ويرتوى عباد وفوا
وصانوا العهد واستكفوا
وجم هنا كمان وقفوا
بباب البيت وأعتابه
واقف على باب الحبيب
بأترجى فى ترحابه #بتول عبد المعز

أعجبنيعرض مزيد من التفاعلات

تعليقمشاركة