شئ من البساطة ... بتول عبد المعز

شئ من البساطة
تعالوا بينا نتخيل راجل بسيط بيشكى حاله ح يقول إيه
وغصب عنى يا دنيا
أنا حبيت
أدارى الهوى فى قلبى
ورحت وجيت
لكن دا هوايا كان باين
عليه طبيت
تشاغلنى أحلامى
فى ساعة ناجيت
وقلت يا ربى وحدانى
قاعد فى البيت
وكل وليف مع ولفه
وقلت يا ريت
ينوبنى م الحبيب كلمة
تصبر قلبى وتهدى
دا أنا استكفيت
ليالى عشت بأداديها
تعدى وليها
أنا اترجيت
وباتصبر فى ذكرى
كانت تدور بيننا
عليها هديت
وباحلم وحلمى دا رواية
بنكتبها فى أوهامنا
ومنها بنيت
أتارى الحلم جوايا
يعيش ساكت
وأنا اتهديت
وغصب عنى يا دنيا
أناحبيت
#بتول عبد المعز

أعجبني