عتاب .. بقلم .. ايمان السعيد ..

اعاتب السنين
ولا شر النفوس
انعدم الحنين
ولا اتباع بالفلوس

اخوات من دم واحد
ميعرفوش بعض
وكل واحد شاهد
ع التاني خلف وعد
بيفكرو ف الدنيا
وكل شيء متاح
الدم بقي حاجه تانيا
ولا يعرفو السماح
وكل واحد منهم
بيقدر الغريب
ويضحي ع شان خاطرهم
ويبقي لهم حبيب
ويجي عند اخوه
يستخصر فيه السلام
ابن امه وابوه
والله يا ناس حرام
فين صله الرحم
محدش ضامن عمره
مين يقدر يستلم
شهاده علي حسن ظنه
هانفوق امتي بقي
ونلتمس الأعذار
ونبطل جري وشقي
وظلم ليل ونهار
مين يبداء بالسماح
ويبوس راس أخوه
علي شان قلبه يرتاح
قبل ما يجو يعزوه
ويفوت اي اوان
ويعيش بس الندم
ويحس بالهوان
ع الدم اللي اتردم
اهدي وسامح كفايه
واطرد الشيطان
القسوه مش غايه
لوجه الرحمن
،،،،،،،،ايمان السعيد،،،،،،،

أعجبني

تعليقمشاركة

التعليقات

علّق على هذا...