ماحبتنيش ... بقلم .. خالدالكردي

ماحبتنيش
دوق واشرب من نفس الكأس
اللي انا دوقته زمان من أيدك
جرب بقي ظلمك للناس
يلي ظلمت بجد حبيبك
جرب لما تبات مظلوم
واما دموعك تجرح خدك
واما تعيش ف هواك محروم
كل ضلوعك تصرخ جنبك
كنت بحبك
بس خسارة محبتنيش
كنت باموت
بس واشوفك انت تعيش
كنت باقول عنك تستاهل
اني ابيع علشانك عمري
كنت استبعد كده بالساهل
انت تبيع احلامي وقلبي
دوق وياريتك كده تتعلم
ان الجرح بيخلق جرح
يمكن لما كمان تتالم
تندم علي أحساس الفرح
كنت ف لحظة خوفي وضعغي
باكلم دمعي
واما القاني ضعفت معاها
اقول لعيوني لا ماتبكيش
ده انت بجد ماحبتنيش
بقلم
خالدالكردي