أنا الأديب .. بقلم .. فيفي الجندي

انا الأديب بكتب شعري
بكتب حروفي علي سطري
بقلمي ادون واجلجل
وصوتي مسموع ومدوي
انا الأديب المتصيت
مشهور وغاوي انا الشهره
كلماتي بقولها بحنية
كل الناس معجبه بيا
فنان وبعزف الحاني
آه‍ين ياما وآه ياني
مغرور وماشي اتمخطر
وصيتي سابق قدامي
انا الأديب بقليله عايش
باكل لب وسوداني
وغمس عدس اسواني
انسان وعايش وحداني
اكتب مواويل عجباني
وقدم الورد هدية
واحب الفول والطعمية
برتب كتبي واوراقي
وكتب دواوين في مجالي
ليوم نزلت من ع السطر
حروفي كلها ع الخط
.........
انا اديب مصراوي
علامة علي جبيني علمها
انحني كده قدامها
كياني كله علشانها
امي وغالية ذي جمالها
كل الدنيا تغني في دارها
..............
انا الأديب المتأدب
ابوس ترابها واهذب
ونور شمعة واجلجل
في كل الأيام اسعدها
وحمل علي ضهري سلاحها
............
انا الأديب الأسطورة
كلامي ظاهر في الصورة
صريح حتي في مرايتي
واحب الون كده لوحتي
.........
انا الأديب صاحب الموال
بجمع الناس كده في الدار
بحب اهلي وخلاني
وشرب معاهم في الفنجان
قهوة وحاجه ساقعة وشاي
..........
انا الأديب المتنور
عقلي شغالي ويدور
علي سطر حلو ومتسطر
بيشع نور ولايكهرب
الكل يقرا كلامي
ويداوم علي سماع اشعاري
...........
فيفي الجندي