انا ب اكتب لك جواب
شايفك بعينى وأنت
واقف ع الحدود.
شفتك فى نشرة الأخبار
شايل سلاحك حاجة تفرح
شرفتنى وخليت رقبتى فى السما
شفت الواد احمد جنب منك
واقفين زى الاسود
احمد ياواد ابن عمك
قوله أبويا بيدعى لك
زى م بيدعى لى تمام
مش كلام
،...................................
ماهو ياواد برده ابنى
ابن خالتك مصطفى
رن عليه وسلم على أمك
واد جدع زى ابوه
وبعت لى صورة ع الموبايل
فيها احمد أبن خالك والواد
عزوز ابن الجيران
ما هما يا واد ذيك تمام
عارف يا واد العقيد سلامة
جه وزرنا من يومين
جى يطمن على أمك
ابن خالتها زى أخوها تمام
أمك يا واد دبحت له بطة
من انت عارف أمك يا واد
بتحب ريحة الريحة
مصممة تروح لخالك سعيد
عشان تبارك له
ابنه حسن لسه داخل الجيش جديد
وعامل عزومة
دابح كم خروف وجدى
بمناسبة الخرفان يا واد
انت عارف ح اقولك ايه
اوعى ياواد تسرح
ولا تديهم امان
وانت عارف الباقى ايه
وكمان توعى ابن عمك
وتعرفه باقى الكلام
خلى يا واد سلاحك فى ايدك
وان نمت خده فى حضنك
ونام
شفت يا واد جيشنا كله
من ولادنا
اوعى يا واد كلام العيال السيس
يزعلكم ...
لما يا واد بيقولوا عسكر
لا يا واد دى أنتم وحوش
عارف يا واد قول خواتك
اللى رابطين ع الحدود
ان انتوا احلى ما فيها
بقلم / أشرف شحاته سليم
ليست هناك تعليقات:
إرسال تعليق