حبك حقيقة نور بدا
نور طريق المهتدا لقلبي البرئ
عشقك بريق
والضي حبي اللي إبتدا
وأنا قلبي لساه الوليد
والعشق نبض المستغيث جوة الوريد
حلم التلاقي بمهجتك شارد بعيد
والصمت عنوان بصتي
لو تندهي
أو تمسحي خط المدى
وتقربي
أو تقتلي الغربه اللي بين الأفئدة
ها أصرخ في كل الكون وأقول
حبك حقيقة نور بدا
بس السكوت على قلبي فارض هيمنة
والصمت كالمارد هنا
أشواقي زهره صغيرة ومتمسكنه
ومانتيش هنا
طب قربي
طب حني ليا وطبطبي
خلي الطريق يزدان هدى
حبك حقيقة نور بدا
شقشق في قلبي و إبتدا
لو تعرفي
أنا نفسي أكون وردك
وأسأسأ في الفضا
وأفوح بعطر المستهيم
وانبت رضا
علشان جمالك فوق فروعي
كالندى
وبشوق إليها قام ندة (قلبي الوليد)
لو تسمعيه
لو تندهيه
لو ترسمي الضمة اللي تاهت
عن عيون المبتدا
هاتقر بيها الأفئدة
حبك حقيقة نور بدا
ليست هناك تعليقات:
إرسال تعليق