إنت عاوز منى إيه ..! بقلم .. بتول عبد المعز ..

إنت عاوز منى إيه
كل شئ مقدور عليه
لو أبيعك تشترينى
من حنانك بتراعينى
والكلام اللى ما بينا
زاد غرامك
واللى كان بينى وبينك
جه أوانك
تعرفه من فين وليه

قولى طب أعملك إيه
فين ما أروح ألقى سلامك
وأفتكر حتى كلامك
ينشغل بالى عليه
أمرنا جايز عجيب
شمسنا لو يوم تغيب
فكرنا لو عن قريب
يتقرب منا الحبيب
والأمارة فى عينيه
مستحيل أنسى غرامك
والسكات اللى فى هيامك
جوه فرحك وانسجامك
دا المحبة من سهامك
تترشق فى قلبى ليه
يوم ما تفرح قلبى يفرح
ألقى لى فى الكون دا مطرح
وأما أنوى حبة أسرح
أفتكر لمسة إيديه
يا قمر فوق فى العلالى
كل يوم ألقاك أبالى
أنظرك لما تلالى
ينكشف شوقى إليه
لما بتكون الأسية
منى ليك مش عليه
تفتكر إنت الضحية
والحكاية حاجة تانية
لو تحس باللى بيه
يتضح اللى مداريه
ياعزيزى اللى ما بينا
شوق وهجر لأملنا
إيه دا كله اللى جرى لنا
بعدها تبص لحالنا
تبقى عايز منى إيه #بتول عبد المعز