ما تنسيش
إن إنت إللى ابتديتى
إنت إللى هانت عليكى العشرة وكل شيء بنا
إنت إللى فى لحظة نسيتى
ومن خوفى عليكى كنت ببص ف عنيكى
بشوف رموشك رايحة على فين
كنت دايما منى تستخبى
ليه بتحوشى دموعك عنى
إنت كنت حاسة إنك بتغلطى
ومعايا مش هتكملى
الأيام إللى عدت اثبتتلك
ان مهما خفتى عليا
مش هيبقى أد خوفى عليكى
إنت اكتر واحدة عارفة
إن مشاعرى واحساسى
عمرهم ما كانو لحد تانى
حتى قلبى الوحيدة إللى ملكتيه
واقولك خلى بالك من بكرة
أنا النهاردة معاكى
ومش عارف بكرة مخبلنا إيه
أنا مش راح اسيبك تضيعىى
إللى باقى من عمرى
لاكن قلبى هيفضل ملكى
وانا الوحيد إللى هيقدر يحرك مشاعرى
هو الزمن هيعلمك
امتى وازاى تكونى ليا لوحدى
بقلم الشاعر/ ابراهيم الغنام
ليست هناك تعليقات:
إرسال تعليق