:::::::: من طبعي ::::::::
_ من طبعي نَبْعَــدْ نخســر ونفــارق
مانيش حقـودي ذ القلــب مصفيه
_ ما ننكرش الخير في قولي صادق
نسامــح ونڨـــول الوقــت يكاكيه
_ ما نعرفـــش نــدور نكــذب ونافق
مــولا زوج وجــوه نبيعو لا نشريه
_ نفرز بيــن الكــوز و زريعــت لحبق
نتمتـــم للفاهـــــم يفهــــم معـــانيه
_ ما نعـرفـش نعــوم فالبحــر الغامق
الواد الموحــل مـــا نْطَعَنْشــي فيه
:::::::::: يتبع بتوفيق من الله :::::::::::
نسر الصحراء جمال جلالي
ليست هناك تعليقات:
إرسال تعليق