ومتسأليش ......!! Rabab Fonon

 

Rabab Fonon

ومتسأليش

قفلى فى كل السكك

انا حرف فى دفتر مفيش

حلمى البرىء مات قبل ماحد يقولوا عيش

حاضنن ملامحها الاميرة

تشبيه وفيش

انا لاشىء

زى كل اللى متدارين جوا عجز

وخلف شيش

حاضنين حكايات الطهارة والربيع

وبيضحكوا ضحكةرضيع

مين فينا شاطر فى الصمود وقت الخضوع

زييى انا

من كام سنة

عايش وبتنفس دموع

انسان ضعيف من جوا بس

لكن ملامحه عفريت وجبس

انا اللى حلمه ما اكتملش

فوق رصيف ما احتملش

ثورة اهاتى

وعاش ما ممتش

جنسى غريب

ورد فعلى ساعات عجيب

يكتب ميلاد

لما يقولوا مات غريب

عمرى اللى جوايا مالهوش حبيب

فصبحت كائن جديد

اومش جديد

مرسوم بزيف الرحمه فى عيون البعيد

جلاد عنيد

جالد شعورى بالوجع

رافع شعاراتى انى ما اتوجع

وقت الرجوع من حلم مات

وبا احس انى مالك الدنيا

مش زى ضيف

ولا زى اشجار الخريف

بارسم ملامحى المؤلمة بروح شجاع

واخرج من العتمة مهما قالوا ضاع

--------------------------.. . شعر .. محمد  عبد المقصود داود