تواضع
فكرت مره تكون
انسان طبيعى
بعيد عن الزلل
والخلل والمرض
تقول لنفسك فى
سرك انك ضعيف
انك محتاج مساعده
ومحتاج كام مدد
انك ذرة تراب
أو نقطه فى بحر
او سحابه مرت بسرعه
من هناك أو من هنا
انك مجرد ضيف
فى رحله قصيره
انك سراب ولا غبار
أو تكون فكره سريعه
انك بعد فتره ها تكون
تراب واسم بلا ذكره
احفر لنفسك نفق
فى قلوب الأحبه
ارسم ضحكه صافيه
فى وشوش صحابك
اكتب حرف صامد
لرأى حر مش محايد
اتنعم للحظات بصفاء
النفس وبلاش تعاند
تواضع لكل خلق الله
وكون أقلهم بذكاءك
بفطرتك سامح و صافح
وأضحك مع الخلائق
فكرة انك مشهور و نابغه
والكل عارفك خدعه ووهم
اغتسل من كبرك وفكرك
المسموم وبلاش تكون
زى ظلك بلا ملامح
التواضع ميزه الكبار
وعلامة الصالحين
و رداء الواثقين بعلمهم
اسرح بخيالك وشوف
هايكون فين مكانك
ازرع تواضع لبكره
والتاريخ عليك بيشهد
كفايه غرور كفايه
ضعف نفوس و مكايد
تواضع .تواضع .تواضع
محمد فوزى العليمى
ليست هناك تعليقات:
إرسال تعليق