شاعر العاميه
''''''''''''''''''''''''''''''''''''''''''''' عوني هشام
''''''''''''''''''''''''''''''''''''''''''''''''''''''''''''''''''''''''''''''''''''''
لو كل شاعر عاميه عرف الاوزان..................
...........هايقول بكلامه اغنيه وبعزف جنان
الحرف معاه شبه الميه بتغذى الروح............
....ولو نام مع حرفه فى بريه هايكون بامان
الحرف معاه بيكون سيفه ضد الطغيان.........
...........وبيرسم مع قلمه الكلمه بكل الالوان
احزانه تتوه جوه سطوره وان كان مجروح
...........الدمعه يقلبها لبسمه ويعيش فرحان
شاعر العاميه مع كلامه بيقول احساس.........
....الكلمه معاه عاليه القيمه واغلى من الماس
تلاقيه في الزحمه وفي الشده بيقول مواويل
......وان طبل يصبح بلا قيمه وممكن ينداس
شاعر العاميه صوته عالي فى كل الاوقات.....
.....حروفه تملى صوت ناسه والناس مقامات
بيحب الخير ويقول عنه ويتفاعل بيه.............
........وحروفه بتكتب له ذكرى من بعد ممات
الفكره بتحضر فى خياله وبدون تخطيط ....
يقعد فى اللمه على حصيره ويزرع ف الغيط
والشجرة تظلل باحساسه وتقول مواويل.......
..........مواله بيوصف بيه حاله وتملي بسيط
................
''''''''''''''''''''''''''''''''''''''' عوني هشام
ليست هناك تعليقات:
إرسال تعليق