(تمن الغربه)
نظرى تعب ومش قادر اشوف
لا عارف اكتب ولا شايف الحروف
تعب وقلق وشيئ من الخوف
ضهرى يألمنى كأنه غضروف
مشتاق لوطني وقلبي ملهوف
إزاي أنسي دلونى إعملو معروف
الغربه
رابطه رجليا وبالحبال مكتوف
لا قادر أشيل حملها على راسي
ولا حملاه حتى === الكتوف
نقول الغربه آلم وعذاب محسوس
يقولو نصيب وفيها فلوس
يزعل عليها إللى ما شافها ولا جربها
ويحلف ما يدخلها إللى تعب وشقي
وشال على راسه ترابها
يا غربة حملك تقل كده ليه
هو انتى ليه ماسكة فيا
مفيش غيري تحملى عليه
بالله خفي شويه عليا
(سامح عبد الرحمن أبو النوبي )
ليست هناك تعليقات:
إرسال تعليق