** إللي عيونها **
...................
إللي عيونها بتضحكلي
وعامله مش واخدة بالها
أحب اقولها دلوقتي
إني أسير أنا لجمالها
والضحكه منها بتاخدني
وروحي بتروح رايحه لها
ما أعرفش ليه خطفت مني
أيامي وعشقت أحلامها
*جوا عينيها دلع خالص
والرمش مني بيخطفني
وكل ما ابعد أنا خالص
ليها دا قلبي يرجعني
*ست البنات علي إيديها
الحنه منقوشه دواير
ولما أبص يا ناس ليها
بتاخدني للفرحة طاير
*صوتها بيسحر ويدووب
وياخدني للدنيا الحلوة
ولما أقرب أو أهووب
بسمع في صوتها كام غنوة
*عينيها مليانه حكاوي
لو شهرزاد ولا تحكيها
اولها بتقولي يا غالي
وأخرها انا دايب فيها
#كرم ميخائيل
الثلاثاء، 19 أكتوبر 2021
** إللي عيونها ** ................... كرم ميخائيل
الاشتراك في:
تعليقات الرسالة (Atom)
-
•{حدثٌ حي ٌحقيقيّ }• [[• ثعبان حي بين يدي وعلي كتفي وقرب قلبي وكاد له سماع دقاته]]•• ••••••~••>> •كاد هذا اليوم ••والحدث لاينسى •خرج...
-
سكان الحفر . ------------- لا تظلم الماعز .. لا ترميه بالذي أنت فيه و عليه .. أين أنت من الماعز ، هاهو يتنطط مرفوع الرأس ، يجوب البراري ا...
ليست هناك تعليقات:
إرسال تعليق