قلبى مسامحك
******************
كل مااصالح قلبى عليك
كل ماتوحشنى تانى عنيك
مش راح أدادى واصالح فيك
وياريت انت تيجي تصالحنى
قلت اما ابعتلك مراسيل
فى بعادك طال عليه الليل
وياما كتبت كتير مواويل
وياما بعمايلك تجرحنى
يالا تعالى قولى صالحتك
وانا من قلبى برضو سامحتك
اول ماشافك قلبى عرفتك
ده كلامك ليه يفرحنى
لما مشيت وبعدت ياغالى
ولاشئ فى الدنيا بيحلالى
روحت وغبت ايام وليالي
بعدك عنى ده شئ يجرحنى
عارف لو ترجع راح اسامحك
ومهما عملت القلب مسامحك
خليك كده دايما على راحتك
ونفسى كمان انت تسامحنى
*************************
*راوية حسن*
ليست هناك تعليقات:
إرسال تعليق