القصيدة بعنوان ***الطير المرقوم***
زهري معاك ماكان يا الطير المرقوم
هاذي مدة شحال ما سالت عليا
ما نعرف نسيت و الا بيك هموم
لو تخبرني نبرى من الكية
و اذا بيك انا والله غير مظلوم
في حياتي ما خمرت و لا درت عصية
اشارة من بعيد نفهم للمفهوم
و نردلك جواب داخل برايا
معذور انا ما نعرفش نعوم
و نستاهل ما درت بوصاية بويا
سرك في قلبي نخبي راه مكتوم
ما يسمعو حد لو كان هو خويا
عبدالقادر بوجلطية
ليست هناك تعليقات:
إرسال تعليق