حاجه صعبه....
===========
هو ليه مكتوب علينا
يبقي جرحك مـ اللي منك
اللي ياما وقفت جمبه
بس هو استغني عنك
حاجه صعبه مش كدا
بس هو كان كدا
هو سابك هو باعك
هو نفسه اختار وداعك
هو فاتك ساب حياتك
نقطه سوده بذكرياتك
هو نفسه ماهمه حاجه
لما كان ناوي خداعك
حاجه صعبه مش كدا
بس هو كان كدا
كان في قلبك حب عمرك
كان يهمك
كان بكل بساطه هو
هو اغلي حاجه عندك
بس بكل بساطه أنت
كنت أرخص حاجه عنده
هي دي فعلاً طريقته
هي دي فعلاً حقيقته
حاجه صعبه مش كدا
بس هو كان كدا
اللي تبقي كتير شاريه
اللي ياما احتجت ليه
بس هو اتخلي عنك
وانت ياما وثقت فيه
كنت طيب في المشاعر
اغبي حاجه تبقي شاعر
واللي كان فارس قصيدتك
كان ممثل صح بارع
حاجه صعبه مش كدا
بس هو كان كدا
هي فعلاً دي الحقيقه
فين تلاقي قلوب بريئة
مين يصون مين حنون
مين هيعشق فيك عيوبك
قبل حلوك وبجنون
واللي كنت في يوم تحبه
ليه بتبكي لما سببته
هو خسرك مش خسرته
غلطه إنه يوم قبلته
يبقي قربك يبقي منك
يبقي اغلي وأغلي اغلي
اغلي من روحك ومنك
والنهايه استغنا عنك
ايه يفيد بجد دموعك
حاجه صعبه مش كدا
بس هو كان كدا
يبقي تقسا عيش وإنسا
خلي بكره يبقي ليك
بر أنت عليه هترسا
واللي مش هيحس بيك
اوعي تاني يهز فيك
حاجه صعبه مش كدا
بس هو كان كدا
أحمد طلبه
ليست هناك تعليقات:
إرسال تعليق