** ضيوف **
()()()()()()()
مَاتيجو
نشوف
ونتكلم
كدا ... ع المكشوف
مين
فينا
مهوش .... مرعوب
ومش
ساكن
في قلبة .... الخوف
من
بُكرة
اللي جاي لينا
في
دنيا
إحنا فيها ... ضيوف
فيها
عايشين
ومش دَاريين
نشوف
ياما
ولسه تاني ياما نشوف
نقابل ناس
مَهُماش ناس
الغدر
علي وِشهم مَنقوش
وناس
تانية
حياتهم
رتوش في رتوش
وناس
حتي
صباح
الخير ميستهلوش
وقليل
جداً
تقابل
حَد ..... متعرفهوش
يكون
ف القلب
متمكن
ومش ممكن متحبوش
فَيلا
نعيشها
بسماحة
بنظرة واعية لَماحة
ونِفس
راضية
مرتاحة
والحب يبقاله مساحه
يومين
مجهود
ويومين ....... راحة
نعيش
دنيتنا
متفاهمين
ونِدي لعقلنا مساحة !!!
()()()()()
بقلم .. الشاعر
** حمدى توفيق **
() الاستاذ المصري ()
ليست هناك تعليقات:
إرسال تعليق