مستنيكى. (عاميه مصريه )
انا ياحياتي
حاسس بيكى
شايف الحزن
ساكن فى عنيكى
ودمعه حايره
رافضه تنزل
خايف انى
يوم اشوفها
طوفان م حزن
مالى عنيكى
حاسس بيكى
من كلامك من سلامك
من رعشه باحسها
فى إيديكى
اتكلمى اصرخى
عبرى عن كم الحزن
اللى ماليكى
لجدار الصمت إكسرى
و لكل الاغلال
اللى فى حياتك
ومقيده روحك وإيديكى
مزقى كمان خيوط
العنكبوت
اللى الزمن يوم غزلها
حواليكى
اخرجى م الشرنقه
ٱيدى اهه بكل حب
مددها ليكى
إفتحى الشبابيك للشمس
خلى الدفا يوصل ليكى
ونسمة هوا يمكن تقدر
يوم تواسيكى
وتحسى مره ببصيص امل
لما يمر الحب عليكى
قربى منى.
متخافيش
حتلاقينى حضن دافي
وقلب صافى
حصن امان و سند ليكى
من غدر الزمان احميكى
وبروحى حبيبتى افديكى
ولكل سنين الحزن انسيكى
قربى منى
راح تلاقى
طيور السعاده
ترفرف حواليكى
و مهما يمر من سنين
حفضل صابر ومستنيكى
انا مستنيكى
امال بدر
ليست هناك تعليقات:
إرسال تعليق