وحقيقي حيرتني
واحتار معاك قلبي
كل الدنيا قالت
انك ظالم ف حبي
ساكت وتروح لبعيد
وانا اللى باقول وباعيد
تعمل بتنسى المواعيد
وتحب البعاد عن قربي
---------
عهد الهوى اللى قطعناه
انا دايما أصونه
وزهر الحب سوا روناه
وبحافظ على لونه
وباقي على عهودنا
ف غيابنا وف وجودنا
أيامنا هيه شهودنا
وعمري ابدا ماأخونه
----------
بحبك وحبك..
خلاني في حاله
لاتتوصف ولاتتحكي
ولا حتى تتقال قواله
حاله صعب نوصفها
ولاحد ف زمانا عرفها
ولاباينه علشان نشوفها
حاولنا ولقينا استحاله
_______
بقلم الشاعر /رمضان عبدالله أحمد
ليست هناك تعليقات:
إرسال تعليق