يابحر
********
يابحر انا عاشقك
عجبنى كتير شطك
ياما مشيت عليه
وحلمت انك ايه
يابحر تعالالى
موجك كده عالى
وغرقت ان فى موجك
بشكيلك انا حالى
واجى ارمى الهموم
دايما على شطك
وارتاح ويزورنى النوم
من بعد ما اشاركك
انا قلبى بيرتاحلك
يامحلا غروب شمسك
وبتترمى فى حضنك
زى الام الحنون
ونورها يملا الكون
كل ده من سحرك
يابحر انا من زمان
عاشق لكن تعبان
برتاح على برك
قول لحبيبى يعود
ياما بعتلى وعود
ولاعمره يوم وفى
قلبى خلاص موعود
والانتظار اوفى
ياما انتظرت كتير
وبعت له مراسيل
لكن عليه يرد
واسهر انا مع الليل
وارجع انا لشطك
واشكى وقلبى عليل
يداوينى غير صبرك
يابحر سحره جميل
قالوا الصبر جميل
وصبرت سنين وسنين
احلف بالف يمين
ماليش غير برك
راوية حسن
ليست هناك تعليقات:
إرسال تعليق