ليش الدنيا هيك
شو صار بهالدني
لا الضحكة بعينيك
ولا قلبي هني
هي الدنيا جارت
ولا علينا دارت
وين كنا وكيف صارت
وعم تسأل شو بني
هوي الهوا اتغير
ولا العمر غير
قلبي صار محير
ومش عارف شو بني
قاعد أنا والليل
معنا نجم سهيل
شق الفجر يا ويل
يخبرني شو بني
عصفور حدي قاعد
متلي أنا وشارد
ما عاد الفرح وارد
يا ألله شو بني
بالمراية شفت حالي
ويمكن هيدا خيالي
ما عرفت ياللي قبالي
كبرت ولا شو بني
اخطفني يا طير وعليني
بالهوا طير طير وانسيني
فوق بلادي دخلك ارميني
وما تسأل شو بني
شو بني
.....بقلمي... محمود عجور
ليست هناك تعليقات:
إرسال تعليق