( الله ع الحب لما بيوفي )
.............................................
جآني نصيبي والحب جآني
حلاَّ الدنيا وكل أيامي
آه منك يا حب يآاااني
حلاوتك ماكانت يوم علي بالي
فارس احلامي وقلبي مستنيه.
وسنين من.عمري وانا بحلم بيه
ماكنتش عارفه فين اراضيه
صبرت كتير شوق وحنين
من غير ما اعرف يطلع مين
عيشت معاه حبيب في خيالي
وفرحتي بيه هي امالي
والليل كله فيه سهرانه
ومن لهفتي علي طول حيرانه
اللاَّيمين ماسبوني في حالي
والحُساد احتاروا في أمري
حكاوي كتيره قالوها عن صبري
................................. ......
وياما جوني كتير خُطاب
ما فتحت باب من الابواب
رغم غيابه كله عذاب
واللي كانوا عايشين حواليا
محدش منهم حاسس بيا
اسهر وابكي وانادي عليه
اتأخرت ياحبيبي ليه
في غيابك عني مادوقت النوم
واليوم بيعدي ساعاته كام يوم
........................................
اتحملت كتير علشانك
وليل ونهار شاغلني خيالك
ويتهيألي سامعه كلامك
بيصبرني في ليالي فراقك
وطول الليل أفضل سهرانه
فرحانه بعذابي ومش زعلانه
...........................................
وفي يوم.حلو من الايام
اتحققت كل الاحلام
لما نصيبي خلاَّك جارنا
لقيت الفرحه منوره دارنا
هديه جميله كانت من ربي
بكيت م الفرحه.ودقله قلبي
الله علي الحب لما بيوفي
عن كل الدنيا هو بيكفي
......................................
خواطر ...(أشرف الدغيدي )
ليست هناك تعليقات:
إرسال تعليق