الخلاصه
============ عونى هشام
الخلاصه فى اللى باقى
و البواقى مش كتير
كنا بندور سواقى
نروى زرع ونسقى طير
كنا دايما يد واحده
بقلب واحد فيه ضمير
الزمان قام جار علينا
والصغير ركب الكبير
الخلاصه
الزمان دا مش زمانا
اما سجان او اسير
و اللى يغلب صوته عالى
حتى لو كان صوت حمير
الميزان بالكفه مالت
وانكسر ضهر البعير
من حمولة محسوبيه
وواسطة جايه من المدير
الخلاصه
جت ،،،،،،،، كروونا
وكنا لابسين الكمامه
والشوارع ،،،،،، زينوها
بالزباله ،،،،،، و ،،،،،، القمامه
الذباب حاوط بيوتنا
والبعوض لابس عمامه
وان شكيت اهمال موظف
تبقى قامت القيامه
الخلاصه
الضمير لسه غايب
امتى ينهض من ثباته
يبقى شيبه وشعرة شايب
ويعاكس بنت يمكن دور بناته
تبقى ست سايبه بيتها ياخيبتها
فاتحه فيس وشاغله شاته
يبقى فلاح ناسى ارضه
و الزرعه خابت الوقت فاته
والخلاصه
نمسك احنا فى دين محمد
والمجمد رح يذوب
واللى فاكر نفسة ايه تبقى غاية
لو يطهر بس نفسه من الذنوب
والتسامح له علامه ف كل بيت
اه ياريت ويبقى زينه فى كل توب
نزرع الحب مابينا نعيش حياتنا
واللى فاتنا نعوضه من غير عيوب
دى الخلاصه
ليست هناك تعليقات:
إرسال تعليق