ما أصعب غياب كل أم عن أبناءها
،،،،،،،،،،،،،
انا محروم من كلمه أم
أنا ليلاتي علطول مهتم
حاضن صوره ف البرواز
نفسى تكون من لحم ودم
،،،،،،،،،،،،،
الدنيا قالبه الوش عليا
غش ف غش من حواليا
إللي عامل حابب فيا
وف الأصل كلامه إزاز
،،،،،،،،،،،،
شيلي وحطى يا دنيا كمان
راح الحضن إللى كان أطنان
ومبقاش فارق الهم يزيد
مش حاسس إن ليا كيان
،،،،،،،،،،،،
واللي يقولي يا حبيب القلب
ياريته يعرف فين الغُلب
أهو كلام معلوهش عتاب
قلب حجاره،،حديد من صُلب
،،،،،،،،،،،،
راحت إللى كانت حُبي
هى وبس طعامي وشُربي
بقي مقفول ف وشي الباب
ربي وبس إللي عارف طلبي
،،،،،،،،،،،،،،،
،،،،إيهاب السقا،،،،
ليست هناك تعليقات:
إرسال تعليق