حكاية حرف .. شعر .. منى عبد الرحمن

حكاية حرف
أنا واحدة مفيش مني
بحب الضحكة إكمني
أخد منى الألم راقات
ولما أحزن بدوب بالذات
ف قلب الكلمة وعيونها
وبحلم يوم اشوف لونها
بلون محصلش
أنا مفهمش
أشوف كلمة بتولد حرف
يبكى أنين
ويتألم ف عمره سنين
يقول يابووووووي
أنا مظلوم
ونفسى أقوم
من التوهة وم الأوجاع
أنا بتباع
ويبكى الحرف على عمره
اللى كان مبتور
بنص صباع
ويحلم يبقى يوم بجناح
يطير يوصل عشان يرتاح
يفك الأسر وقيوده
ويضحك يفرش الفرحة
على خدوده
ويضحك يبتسم عوده
منى عبد الرحمن

أعجبني

تعليقمشاركة

التعليقات

اكتب تعليقًا...