أنا الغالب وأنا المغلوب ...! شعر .. بتول العتربي

ونعشق فى البعاد وندوب
وأنا الغالب وأنا المغلوب
ومهما يكون ليا ذنوب
دا عمرى عنه ما أتحول

وآهة جاية تملا قلوب
تاخدنا الحياة ونتوب
وليه يا جرح بتطول
وشفنا الحياة بسمات
عاشرنا الحب قول لساعات
وكل ما أبعد المسافات
تقول عيدى من الاول
ماأنا البسمة إللى ملو العين
ضياها والفرح راسمين
لوردة نادية ع الخدين
ح تعشقنى سنة وسنتين
تقول كلمة ماليها اتنين
أنا إللى وقفت ع الصفين
ومستنى حبيبى الزين
ولسه عارفها عام نول
# بتول العتربى

١